Hasch Du's Zeig zum echta Schwob?


Net jeder ka als Schwob uff’d Welt komme. Do hat sich dr liabe Gott scho au ebbes dabei denkt!

Es gibt halt sälle on sodde. Aber au sälle, die nie wie sälle werda soddet, soddet halt säll wissa: Wärsch du überhaupt geeignet als Schwob gebora worda zum sei? Wenn des jetzt net kapiert hasch, brauchsch den Tescht erscht garnet macha, no wird aus dir nie a "Gscheidle"!



Tescht 1

Sag amol den Satz so schnell wie de kasch:

"Schelle ‘se net an sellere Schelle, selle Schelle schellt net, schelle ‘se an sellere Schelle, selle Schelle schellt."



Tescht 2

Kasch du den Satz saga ohne zu spucka?

"Dr Ober hat’s Bschteck z’schpät b’schtellt."



 


Tescht 3

Kennsch du a Wurschtsorte mit “U”?


I seh scho, es isch aller höchschde Zeit, dass du  amol zu meim Ufftritt kommsch! Jetzt musch zu der Seite “wo i spiel” klicka!